北輕井澤 Not A Hotel，獨一無二嘅「酒店」

Not A Hotel 呢個概念，完全顛覆咗酒店嘅定義。佢唔單止係間酒店咁簡單，仲好似一個屋企咁，每一間屋都好似豪宅咁。

呢度提供一種全新嘅住宿方式，你可以揀做業主，擁有部份嘅業權。聽講一晚要港幣15萬，10晚起售，即係俾港幣150萬就可以享有10/365嘅業權，每年可以免費過嚟住10晚。你仲可以將自己間房租出去。

小編就買唔起喇，住一晚最低消費5千港幣起，都真係唔平架！

喺兩萬坪嘅原始森林入面，每一個角落都充滿咗設計師嘅心思，將大自然同現代嘅美學完美咁融合埋一齊。佢嘅建築好似一粒閃閃生輝嘅寶石。每間房都經過精心設計，配備咗最頂級嘅設施，好似私人溫泉、戶外篝火等等。你可以一邊欣賞窗外嘅靚景，一邊享受大自然嘅洗禮。

唔單止提供舒適嘅住宿，仲為你準備咗舌尖上嘅享受。餐廳「石朴」揀用咗當地新鮮嘅食材，煮出嚟嘅美食真係令人垂涎三尺。除此之外，酒店入面仲展示咗好多藝術品，俾你可以喺欣賞靚景嘅同時，又可以感受到藝術嘅薰陶。

地址： 群馬県嬬恋村大字大前字細原2286-340他
交通： 由JR輕井澤站出發乘車約35分鐘