東京APA酒店上野驛北

位於上野站既北出口旁邊，行1分鐘就到，去上野公園同阿美橫丁都好方便。

APA酒店係大型連鎖酒店，呢間上野驛北酒店一共有800幾間房，雖然房比較細，但麻雀雖小，五臟俱全。房入面有免費Wi-Fi、熱水壺、雪櫃，仲有褲壓機，商務客都有基本配套。最正係間房好乾淨，日式酒店既衛生質素真係一等一。

酒店大堂有免費咖啡、報紙同雜誌提供，早餐另外收費，不過東京好多嘢食，基本上我哋都係出街食。

交通方面，上野站係JR山手線既車站，除咗行去上野公園同阿美橫丁之外，搭山手線去東京其他地區都好方便。附近仲有京成本線可以直達成田機場，對於返機場既旅客嚟講就更加方便喇！

整體嚟講，呢間APA酒店位置方便，交通便利，價錢合理，而且乾淨企理，係喺上野住酒店既一個唔錯既選擇。