深圳「四大」親子行山公園好去處！

親子行山不求難度高，只求風景靚、影相打卡、呼吸到新鮮空氣！今次TTG小編就為大家帶來深圳「四大」親子行山好地方啦，當中包括筆架山體育公園、翠竹公園、福田紅樹林自然保護區及深圳野生動物園！去開深圳習慣飲飲食食行商場嘅你地，不妨睇下深圳翠綠園林嘅另一面！

深圳親子行山第一處：筆架山體育公園！

筆架山體育公園2023年11月先對外開放，係深圳最新嘅熱門行山公園景點！筆架山體育公園話到明係體育公園，就唔單止有得行山，仲可以去做運動同睇表演添。筆架山體育公園入面足球場、籃球場、羽毛球場、毽球場、乒乓球場等，最啱就係親子同樂！不過記得啦，使用設施前要先上微信公眾號「美麗深圳」進行預約。筆架山體育公園地理位置優越，位於福田深業上城旁邊，一條馬路之隔就到啦，所以去開深業上城食好西之後，就可以順便去筆架山體育公園行下啦！

地址：深圳市福田區華福街道梅崗路26號(深圳地鐵10號線冬瓜嶺站E出口)

深圳親子行山第二處：翠竹公園！

翠竹公園最特別嘅地方就係有多達102種竹子品種，成個公園分為六大區，由山腳行上山頂大概需時45-60分鍾，屬於輕度行山，適合親子同遊。園內有一條竹林幽徑，沿途都係長竹縱橫交錯嘅觀景，四處都係「十面埋伏」電影級嘅場面，最啱就係打卡影相啦！而且，上到山頂就有觀景台同山頂廣場，入面有休憩娛樂設施，環境清幽，觀景台上可以眺望羅湖景貌，係假日放鬆心情嘅好去處！

地址：羅湖區翠竹街道翠竹路1078號(深圳地鐵3號線田貝站A出口)

深圳親子行山第三處：福田紅樹林自然保護區！

是中國唯一處於城市腹地的國家級自然保護區，其實跟香港嘅米埔自然保護區只有一水之隔，同樣可以睇到黑面琵鷺、白琴鷺、黑嘴鷗等珍稀鳥類，亦同樣有獨特嘅紅樹林灘塗生態環境。如果未去過米埔自然保護區，就可以趁機去福田紅樹林自然保護區啦。而且，唔同嘅地方係，從深圳福田遙望香港，會有「離鄉背井」的感覺，別有一番風味。跟深圳其他景點一樣，前往前記得先到微信小程序「內伶仃福田自然保護區」預約。另外，福田紅樹林自然保護區附近就係華僑歡樂海岸，到附近玩樂就不妨欣賞一下自然保護區嘅生態環境！

地址：深圳市福田區新洲南路與福榮路交界處

深圳親子行山第四處：深圳野生動物園！

行山之餘可以睇埋珍禽名獸！深圳野生動物園是中國第一個放養式的野生動物園，意思即係園內的動物可以係接近64萬平方米嘅地方內自由活動，係國家4A級旅遊景區。園內有華南虎、金絲猴、麥哲倫企鵝、丹頂鶴等國家一、二級保護動物，仲有動物表演、馬戲表演、電單車技表演等。前往前記得先到微信小租序「深圳野生動物園」預訂門票，成人票為¥189；兒童票為¥140。

地址：深圳市南山區西麗湖路4065號(深圳地鐵7號線西麗湖B出口)

同場加影：

湯崎.湯泉生活TENZ(福田口岸店)

深圳精选酒店

深圳大中華希爾頓酒店

Hilton Shenzhen Futian

桔子酒店（深圳東門店）

Orange Hotel

深圳福田車公廟亞朵X酒店

Atour X Hotel Futian Chegong Temple Shenzhen

全季酒店（深圳寶安國際會展中心福永店）

Ji Hotel

深圳旅遊攻略：

深圳美食甜甜圈「Bébé Donut」卓悦中心One Avenue首店大排長龍！

深圳港人熱門商場One Avenue卓悦中心又有新美食推出！「Bébé Donut 熱呼呼的甜甜圈」主打不同口味、外型、味道的甜甜圈，Bébé Donut有着精緻的糖粉外表和包裝，看上去就已經增加食慾。加上表面的水果慕絲和食物點綴，㫒華了傳統甜甜圈的格調，打造了一種脱離「麵包」步入「精緻甜品/餐點」的行列。

美食推介

深圳地鐵7號線「潮汕海鮮撈麵」$30食盡本土地道美食！

「潮汕海鮮撈麵」位於深圳福田地鐵7號線赤尾站附近，是當地居民強烈推介的地道美食。「撈麵」不單大份、好食又滋味，而且價錢相當親民，是不論貧富都會能享受的潮汕佳餚，長期位於大眾點評榜上。當中較有名的海鮮撈麵更是用料十足、湯底鮮甜，一點都不馬虎！

美食推介

深圳圖書館北館「太空電梯」科幻地下書庫、未來式設計！

「深圳圖書館北館」是位於龍華區的新興文化地標之一，於2023年年底才正式開放。圖書館地上6層、地下3層，建築面積約7.2萬平方米，相當於約7.5個香港中央圖書館。深圳圖書館北館的整體內外設計充滿未來科幻感，不單止是深圳平日眾多學生温習的地方，更是市民、小朋友的假日好去處，一改圖書館必然乏味的傳統感覺！

景點推介