六間深圳茶飲店評測！邊一間最特別最好飲？煲豬公、霸王茶姬音、喜茶、茉莉奶白、奈雪的茶、ARTEASG

今日就同大家嚟一個肥仔水嘅大比拼啦！究竟茶飲店有無一啲比較健康但係又好飲嘅肥仔水呢？我地就揀左以下呢6款茶飲店 最平嘅茶底做比較，當中有3款係無糖，3款係有糖嘅；有熱飲，亦都有凍飲，究竟味道係點呢，即刻去片！

咁先睇下3款無糖嘅先啦！

第一款就係霸王茶姬限量嘅慢焙金觀音，咁佢係一隻無糖嘅觀音茶嚟嘅，無熱飲選擇，咁飲落呢，係比一般茶樓嘅鐵觀音係香嘅，係有黃金桂嘅花香嘅，咁可能再加上慢焙效果呢，咁佢嘅味道係比較濃厚一啲嘅，口感上我係俾滿分嘅。咁再加上佢係用玻璃樽裝嘅，係有玻璃樽嘅加持下呢，感覺就同玻璃樽裝嘅可樂或者係維他奶一樣，係特別有感覺嘅！

到第二款，就係喜茶嘅純綠研茶后啦。可能係我揀左無糖去冰版本啦，飲落呢，我就覺得係同7仔雪凍左嘅樽裝綠茶係無太大分別嘅，除左個杯係比較靚，用咗飲管飲之外，感覺上就係比較普通嘅綠茶啦。咁我建議如揀呢款嘅話呢，最好都係要揀少甜，甚至乎係多甜，咁飲落可能就會好飲好多啦！

第三款就係茉莉奶白嘅針王冰茶啦，咁話到明係冰茶，佢係無得走冰，只可以揀少冰架姐。而我就揀左無糖走冰嘅針王冰茶，咁可能係我特別鐘意茉莉嘅味道啦，除左佢係有好香嘅茉莉花味之外呢，飲落的確係幾醒神嘅。不過佢個杯蓋就唔係密封式嘅設計嚟嘅，再加上佢係有比較多冰嘅關係，啲倒汗水特別多，個杯又唔係磨砂面呢，一路行一路飲我就差啲倒瀉啦，成個體驗就差咁啲啦。

咁去到有糖嘅系列啦，第四款試飲嘅呢，就係奈雪的茶嘅森林觀音啦，我就揀左少甜熱飲，不過可能而家係夏天嘅關係，佢就好貼心咁幫我轉做暖飲啦。好，講返個味道先，佢就話係福建高香烏龍茶品種嚟嘅，可能係加左糖嘅關係，味道係好飲嘅。伍又唔係話淨得個甜字，而係同佢嘅名一樣，係有一種森林香氣係度，飲落係幾Fresh、幾清新，加上暖飲又的確係幾暖胃嘅～

第五款同第六款呢，就係煲豬公嘅微糖紅茶同埋新加坡奶茶嘅錫蘭紅茶啦，咁點解要兩隻一齊講呢，因為我實在係覺得兩隻紅茶嘅味道係太相似啦，合埋眼飲我諗我係會完全分唔出邊隻打邊隻嘅。兩隻我都係揀左熱飲，兩隻都係有糖嘅。而且最吊鬼嘅係，新加坡奶茶係有牛奶係入面，而煲豬公係無奶嘅紅茶嚟嘅，點解無奶可以做到有奶嘅味道呢，下次就真係要再試一次，試真一啲啦！

好，咁今次條片就差唔多啦，如果你想睇到更多深圳食好西嘅好地方同資訊，就要記得訂閱我地嘅YouTube Channel同下載我哋TripTripGo處處行嘅App啦，幫您搜羅深圳商場港人優惠同埋揾到至荀酒店優惠～記得唔好錯過啦！