深圳Outlet「龍華8號倉」8萬平方米｜逾200間國際及本土品牌進駐！

深圳龍華Outlet「龍華8號倉」商埸掃貨、尋寶好機會，場內仲有大量美食！「龍華8號倉」外表睇落其實跟普通商場無太大分別，不過即使係深圳港人熱門商場如皇庭廣場、卓悦中心等，都未必有「龍華8號倉」的國際及本土品牌齊全，而且場內品牌仲有眾多減價、特價、換季產品添！

深圳Outlet「龍華8號倉」內有咩品牌進駐？

「龍華8號倉」內有Samsonite可以趁機買旅行喼，買齊野拖喼返香港就最方便；有Coach、Michael Kors、Calvin Klein等可以買名牌包包；有Nike、Adidas、Skechers等可以買各類鞋款；有The North Face、FILA、Under Armour等可以運動用品；有PANDORA、SWAROVSKI等可以買珠寶首飾；有博士眼鏡、木九十眼鏡店可以配近視、遠視、老花鏡等。

深圳Outlet「龍華8號倉」內有咩好食、好玩？

「龍華8號倉」內有港人熟悉的如元气壽司、Pizza Hut、文華冰室、太二酸菜魚等食肆；亦有霸王茶姫、ARTEASG新加坡奶茶、奈雪的茶、星巴克等茶飲店；亦都有四季椰林椰子雞、海底撈火鍋、牛小灶牛雜煲等火鍋店；同時，有太平洋影城，行到攰仲可以坐低食啲野睇場戲休息下！