The Rolling 都有山寨翻版？FuFuland 網紅蛋糕店，黑金抹茶芝士卷好唔好食？

上一集同大家行連城新天地，就講到佢係連住好幾個商場嘅，咁究竟實際上商場入面有咩好行呢？

咁今次同大家睇下兩間網紅蛋糕店，The Rolling同Fufuland啦！由深圳地鐵「會展中心站」一出行入連城新天地轉左呢，就係皇庭廣場架啦，咁落一層去到廣場中心部分就會見到FuFuland嘅鋪頭。

咁FuFuland呢，係一間賣梳乎厘嘅甜品店嚟嘅，咁佢梳乎厘嘅賣相呢就的確係幾吸引嘅，售價呢大概就係20蚊左右，咁現埸呢其實就唔係真係話好多人架姐，就算排隊估計都係5至10分鐘就買到架啦。

咁一直行皇庭廣場再落一層，係Muji隔離呢，竟然見到一間叫做Rolling嘅甜品店，咁呢一間Rolling同大家平時見開嘅The Rolling又有咩分別呢？原來皇廷廣場嘅呢一間Rolling係翻版架！仔細啲睇呢，除咗個名無左個The字之外呢，我就真係睇唔出有咩分別啦，一樣係白色字、藍色底嘅LOGO，一樣嘅字體、一樣都係賣緊蛋卷。大家千祈唔好俾佢呃咗

正版嘅The Rolling喺深圳有兩間分店，其中一間係卓悦中心搵得到，我地由崗廈站嘅B出口一出呢，就係卓悦中心架啦，上電梯之後直行，就會見到The Rolling啦！

延伸閱讀：深圳必買手信 the Roll’ING 熱爆瑞士卷！KUMO KUMO/鮑師傅已過氣？

呢度卓悦中心嘅The Rolling，排隊嘅人呢，係打曬蛇餅嘅。我諗最起碼都要排15分鐘先買到架啦。而想買嘅時候呢，都要留意蛋卷嘅出爐時間，而家賣緊嘅呢就係「黑金抹茶芝士卷」，即將賣嘅呢，就係「法式濃醇芝士卷」，蛋卷嘅售價呢大概就係40蚊到50蚊左右，其他口味呢，就已經無曬架啦，如果想食到特定口味呢，睇嚟就要睇彩數啦！

好，咁今次條片又差唔多啦，如果你都想知道更多深圳商場嘅港人熱門好地方，就要記得訂閱我地嘅YouTube Channel同留意我地Trip Trip Go 處處行嘅網站啦，搜羅深圳商場港人優惠同埋深圳十大酒店推介～記得唔好錯過啦！