深圳 Fufuland 梳乎厘甜品之旅｜香港旺角店7月進駐！價錢差幾多？

繼深圳網紅瑞士卷「the Roll’ING」後，又有熱門新甜品「Fufuland舒芙蕾」深受港人喜愛啦！紅爆內地嘅Fufuland舒芙蕾喺廣州、上海、深圳都有多間分店，近日更宣布7月進駐香港旺角！咁係登陸香港之前，就先同大家睇下深圳Fufuland舒芙蕾有咩咁特別先啦！

• 延伸閲讀：深圳必買手信 the Roll’ING 熱爆瑞士卷！KUMO KUMO/鮑師傅已過氣？
• 延伸閲讀：深圳熱門主題樂園及遊樂場推介｜深圳酒店及旅遊攻略！

深圳 Fufuland「舒芙蕾冰淇淋」招牌款式！

深圳 Fufuland 舒芙蕾的招牌菜分為三大類，人氣最高嘅就係「舒芙蕾+冰淇淋」系列啦！新鮮出爐、香滑軟糯嘅梳乎厘配上冰涼軟雪糕，堪稱甜品史上最佳配搭！而深圳 Fufuland 舒芙蕾「抹茶舒芙蕾冰淇淋(¥28)」就成為了網民必甜之選！此外，仲有「草莓牛奶舒芙蕾冰淇淋(¥29)」、「草莓抹茶舒芙蕾冰淇淋(¥29)」等口味，主打一個雨露均沾，滿足所有慾望！

深圳 Fufuland 經典「舒芙蕾」口味！

單點梳乎厘亦係 Fufuland 平靚正嘅選擇，有眾多口味！當中熱爆深圳 Fufuland 嘅有「北海道牛乳舒芙蕾(¥16)」、「宇治抹茶舒芙蕾(¥19)」、「海鹽奧利奧舒芙蕾(¥18)」、「雪覆草莓舒芙蕾(¥19)」等；同時亦都有融入中國甜品元素嘅特色梳乎厘，例如有「杏仁豆腐舒芙蕾(¥18)」、「小開心(開心果味)舒芙蕾(¥23)」等口味，別開生面！

深圳 Fufuland「冰淇淋」系列！

有網民就表示 Fufuland 舒芙蕾冰淇淋系列嘅雪糕太少，唔夠喉！呢個時候就可以揀單點 Fufuland 嘅冰淇淋系列啦！有「抹茶冰淇淋(¥23)」、「北海道牛乳冰淇淋(¥23)」、「草莓抹茶冰淇淋(¥23)」、「草莓牛乳冰淇淋(¥23)」等口味，香軟可口！

深圳 Fufuland 舒芙蕾地址！

Fufuland 梳乎厘 7月進駐香港旺角！價錢差幾多？

香港 Fufuland 首間分店據報會於今年7月登陸香港！首店位置會設於「旺角朗豪坊」商場，現時店舖外已有「即將開幕 敬請期待」嘅字樣；此外， Fufuland 亦會於「元朗新商場Yoho Mix元點」開設分店，一次過會有兩間分店，非常便利，減低排長龍嘅機會！不過，有網民就擔心 Fufuland 嘅售價會唔會步其他大陸名店嘅後塵，例如海底撈火鍋、喜茶等，香港價錢比內地貴2-3倍！