深圳蓮塘口岸美食「老楊家亞克西·20年新疆菜」品嘗地道新彌菜！

香港夜繽紛就聽得多，原來深圳蓮塘口岸附近有間香港好少人知道嘅「老楊家亞克西·20年新疆菜」，一到夜晚附近就人山人海，都想品嘗一下賣咗20年嘅地道新疆菜饢坑烤羊排，外脆內嫩！而且價錢一啲都唔貴，人均消費都係¥95起，地點仲要好近口岸添！

深圳羅湖「老楊家亞克西·20年新疆菜」有咩食？

「老楊家亞克西·20年新疆菜」有招牌人氣新疆菜套餐2-3人食用，包括饢坑烤羊排、烤羊串、紅柳烤串、凉皮、烤包子、招牌酸奶、饢餅、哈密瓜，加埋都係¥163起；如5-6人食用，仲有包括椒炎羊排、手抓羊排、風味饢炒肉、羊雜湯等全羊菜色，價錢都係¥383起；如果平日要食飯、主食先夠飽嘅話，店內仲有知名嘅新疆手抓飯添，價錢¥30起一份。

點去深圳羅湖「老楊家亞克西·20年新疆菜」？附近有咩玩？

1）如由蓮塘口岸過關出發，搭深圳地鐵2/8號線「由蓮塘口岸站」到「黃貝嶺站」G1出口往南向步行約15分鐘就會到達；2）如由羅湖、福田口岸出發，深圳地鐵9號線至「文錦站」B出口，往東向步行約5分鐘即可到達！「老楊家亞克西·20年新疆菜」附近暫時沒有大型購物中心、公園景點。