東莞萌寵互動樂園「耶虎萌寵部落」｜親子好去處！

無論香港還是內地，好多動物園內嘅動物都只可以「眼看手勿動」，無得觸摸同互動，而且外面嘅動物園都係露天營運，炎炎夏日非常影響體驗。不過東莞就有間萌寵互動樂園「耶虎萌寵部落」，係商場入面嘆住冷氣，同海陸空萌寵零距離接觸，可以撫摸、投餵，近距離影相同打卡，小朋友同大人都可以享受治癒嘅動物互動樂趣！

東莞萌寵樂園「耶虎萌寵部落」內有咩動物？

「耶虎萌寵部落」佔地超過3000平方，有超過80種海陸空萌寵，當中包括孔雀、鸚鵡、魔術鴿子、羊駝、刺蝟、小浣熊、狐獴、寵物羊、犛牛、粟米蛇、安汶斑帆蜥蜴、豹紋守宮、土撥鼠、臭鼬、旱瀨等，門票售價方面，假日成人通用票由¥98起；假日親子2大1小通用票由¥167起；假日雙人通用票由¥158起。而想投餵萌寵就可以買「萌寵投餵包」，一包六種¥48起，可以盡情撫摸、投餵，同萌寵影相打卡！

東莞「耶虎萌寵部落」點去？附近有咩好玩？

可以由香港西九龍乘搭高鐵至東莞「虎門站」，再轉乘地鐵至「東城站」，由東城站」C出口往東步行約10-15分鐘即可到達！而東城站附近有多個購物中心，包括萬達廣場、世紀廣場、世博廣場、金月灣廣場；而前一個地鐵站則有東莞著名的黄旗山城市公園。