深圳福田「信薈CITIC World」3萬平方新商場｜句象書店、星聚會好去處！

深圳萬象城、萬象天地、皇庭廣場就去得多，深圳福田今年4月新開幕嘅「信薈CITIC World」又去過未？深圳福田中信國際大廈信薈CITIC World商場集齊眾多深圳網紅餐飲店、娛樂場所、文青精品店，樓高8層一次過滿足所有願望之餘，仲有商場嶄新美學空間設計，加上城巿天台、花園，啱曬影相打卡！

「信薈CITIC World」有乜好行 1）「句象書店」！

信薈CITIC World有深圳本地人推崇嘅文青「句象書店」，入面劃分為多個區域，包括精品區、咖啡休閑區，仲有香港人比較陌生嘅消費區、VIP區同會議室區。消費區就係喺咖啡區消費後，可以入去閲讀嘅區域，而VIP區同會議室區就要額外付費人民幣¥60/小時或以上先可以入去嘅區域啦，入面嘅空間入比較寬敞同舒適，有少少高級板自修室嘅味道！

「信薈CITIC World」有乜好行 2）「星聚會」！

星聚會的口號是「不僅僅是KTV」！星聚會由2011誔生至今全國已有超過250間分店，入面係一個娛樂同商務合體嘅綜合空間，一班人入去除咗可以唱K，仲可以飲個下午茶、玩劇本殺，入面有私人影院、電競設備，亦可以進行商務會議，可以話係連鎖式高級版嘅party room，啱晒一班朋友去！