今日我地由羅湖口岸出發，搭地鐵去到大劇院站轉車，一直坐到去大梅沙站，大概半個鐘多啲到啦，行到去B出口一出呢，再打的上山，大概15分鐘到，就嚟到深圳有超靚景觀嘅民宿別墅酒店——蜜悦秘野仙踪度假美宿啦！
延伸閱讀：深圳 Staycation 套票推介
呢間民宿位於東部華僑城，無論係山上，還是山下，都有好多野玩嘅，不過今集就先同大家睇下民宿酒店先，下集再同大家講下附近有咩玩啦！
一入門口呢就會見到別墅好靚嘅花園架啦，同其他別墅酒店相比呢，呢度嘅綠植係好明顯有人細心打理嘅，第一眼就有綠草如茵嘅觀景，俾我嘅第一印象就係好乾淨同埋企理啦。 客廳部分嘅傢俬都幾高級，都有採用實木傢具同真皮梳化，仲有一部麻雀機添嘅，咁見到間酒店都幾dum本嘅。
露台係成間別墅酒店嘅重點啦，可以見到海景、山景、別墅景同纜車景觀，真係有一種一覧眾山小嘅感覺，去到呢一刻先知道點解呢度會叫做秘野仙踪呀。 去到別墅二樓嘅客房入面呢，一入門口就見到背山面海嘅景觀啦，床嘅後面就係衣櫃同梳化，見到都係訂造嘅傢俬嚟嘅，顏色同埋用料同整體別墅嘅設計都係好夾嘅，而且仲有藍牙喇叭可以用添。
間房就算係幾大嘅，可以做到三邊落床，左右兩邊都仲有好多空間嘅，個景觀就唔洗講啦，同客廳嘅大露台係一樣嘅，不過因為位置更高嘅關係呢，個景觀係更加之靚，而且仲可以係露台浸浴添嘅。 睇埋個廁所啦，係做到乾濕分離之餘呢，沖涼同埋淋浴間都各自有一個獨立空間嘅。廁所配備左智能馬桶，亦都有濕紙巾供應，呢一點係幾貼心嘅，因為真係唔係間間酒店可以做到咁嘅，更何況係民宿酒店添。而個淋浴間都算係有驚喜，估唔到連沖個涼都可以望住咁靚嘅景觀，呢個位置真係要俾100分佢。
呢度周圍都係別墅，食野可以食啲咩呢，咁別墅本身就有早餐供應嘅，全程都有管家服務，如果係嗌左外賣、淘寶左其他野，都可以叫管家幫手收件嘅。而別墅附近呢，就有半山餐廳，入面同樣可以望到山景同纜車景，野食方面呢，就主要以西餐為主啦，有牛扒、沙律、黑松露意面、香腸、薯條等等，下午茶同甜品呢就有水果、窩夫、蛋糕、雪糕等等，不過價錢就唔算係平啦。 呢度仲有一個mini bar添嘅，奶茶、咖啡、水果茶、花茶，又或者係其他酒精類嘅飲品都有供應嘅。
睇完晒成個別墅酒店呢，整體配套就一定係唔及得一般市區嘅酒店架啦，第一就係交通無咁方便啦，唔係自己揸車上山嘅話呢，就要好似我咁，自己打的上山架啦，一程10幾20蚊，一上一落就要成40蚊架啦，都唔係平嘅。如果係漏左啲咩日常生活用品要買呢，一係就落山買，一係就要外賣架啦。第二就係酒店配套啦，咁同一般嘅酒店唔同，佢係無大泳池、無大型健身中心呀、SPA呀之類嘅，如果想享受呢一啲設施同埋服務，都只能夠係落山架姐。
不過，佢嘅優點都好明顯嘅，就係佢係一個好好嘅度假地方嚟嘅，完全係遠離煩囂，遠離市區，嚟到呢度之後呢，就真係好似忘記晒所有嘅生活煩惱咁嘅。望住咁靚嘅景觀，就會 開始思考一下人生嘅意義，做人都係求快樂架姐，有時候真係要勞逸結合，及時行樂。有啲野想做就好去做啦，有啲地方想去亦都唔好等啦。 如果係對比起其他民宿酒店呢，呢一度我都係會俾好高分嘅，除左景觀之外呢，你會見到成個別墅係好企理嘅，打掃得非常之乾淨，唔會話有啲地方係又霉又爛嘅，保養得非常之好嘅，所以住落都會係好舒服嘅。
今次條片去到呢度就差唔多啦，下集會同大家一齊睇下落山之後有咩玩同有咩買。如果你想睇到更多唔同類型同埋特色嘅深圳酒店，就要記得訂閱我地嘅YouTube Channel同下載我哋TripTripGo處處行嘅App啦，幫您搜羅特色酒店資訊之餘呢，仲可以享受到更多酒店優惠添～記得唔好錯過啦！
延伸閱讀：深圳 Staycation 套票推介
深圳的眼鏡市場可以說是百花齊放，從高端奢侈品牌到平價連鎖店，應有盡有。這座城市的眼鏡店遍布各個商圈，無論是福田區的購物中心，還是南山區的科技園區，亦或是羅湖區的老城區，都能找到適合自己的眼鏡店。這些眼鏡店不僅提供多樣化的眼鏡款式，還結合了現代科技，為消費者提供更加精準和便捷的配鏡服務。例如，許多眼鏡店已經引入了智能驗光設備，通過先進的技術手段，能夠在短時間內完成驗光並生成精確的配鏡處方。這種技術的應用，不僅提高了配鏡的效率，也大大提升了消費者的滿意度。
玩樂體驗
深圳又有新商場開幕！9月26日正式營運的坂田萬科廣場究竟有咩玩？位於龍崗區的坂田萬科廣場由羅湖口岸搭地鐵只需約30分鐘就可到達坂田萬科廣場，一個以森林生態公園為主題的商場。有別於其他商業廣場，坂田萬科廣場內裡的綠植綠化特別多，而且設計非常獨特，甚至乎跟世界著名的新加坡機場有不少相似之處！
景點推介深圳港人熱門商場One Avenue卓悦中心又有新美食推出！「Bébé Donut 熱呼呼的甜甜圈」主打不同口味、外型、味道的甜甜圈，Bébé Donut有着精緻的糖粉外表和包裝，看上去就已經增加食慾。加上表面的水果慕絲和食物點綴，㫒華了傳統甜甜圈的格調，打造了一種脱離「麵包」步入「精緻甜品/餐點」的行列。
美食推介
「潮汕海鮮撈麵」位於深圳福田地鐵7號線赤尾站附近，是當地居民強烈推介的地道美食。「撈麵」不單大份、好食又滋味，而且價錢相當親民，是不論貧富都會能享受的潮汕佳餚，長期位於大眾點評榜上。當中較有名的海鮮撈麵更是用料十足、湯底鮮甜，一點都不馬虎！
美食推介
「深圳圖書館北館」是位於龍華區的新興文化地標之一，於2023年年底才正式開放。圖書館地上6層、地下3層，建築面積約7.2萬平方米，相當於約7.5個香港中央圖書館。深圳圖書館北館的整體內外設計充滿未來科幻感，不單止是深圳平日眾多學生温習的地方，更是市民、小朋友的假日好去處，一改圖書館必然乏味的傳統感覺！
景點推介文章最後更新：
旅遊、飲食、玩樂及交通秘笈盡在TripTripGo！TTG小編精選世界各地著名特色酒店推介，除咗幫您揾到至荀酒店優惠外，仲會幫您搜羅當地主題樂園門票、觀光景點、自助餐、博物館、藝術館、一日遊等快閃優惠！TripTripGo專注為大家服務，提供一站式嘅旅遊玩樂體驗！
合作夥伴
TripTripGo 處處行 © 2025 All rights reserved
