深圳福田「華強北博物館」電子產品的聖地｜漁村點變華南矽谷？

華強北都有博物館？深圳福田少為人知的「華強北博物館」可以睇到深圳改革開放嘅縮影，同「中國電子第一街」嘅光輝歷程，入面紀錄咗無數深圳人嘅夢想同初心，可以從另一個角度睇到不一樣嘅華強北，深入了解華強北嘅歷史。除此之外，仲有好多經典電子產品嘅「文物」，非常特別！

深圳福田「華強北博物館」有咩好睇？

 「華強北博物館」入面分為常設展覽同特別展覽。常設展覽就係講嘅華強北發展歷程，分為發展夢、創業夢、創新夢、未來夢四大部分；特別展覽就有就是限時展覽，現時有《隨時準備著－中國少年兒童運動與少先隊發展歷程》，而早前就有「垃圾？還是寶藏？」電子廢棄物硬派科普之旅；《先·機－勇立潮頭的手機先鋒》、《無界—新媒體科技藝術展》等。

深圳福田「華強北博物館」點去？門票幾錢？

 「華強北博物館」靠近深圳地鐵「華強北站」E1/2出口。由福田口岸搭10號線地鐵到「崗廈北站」再轉2/8號線到「華強北站」。門票方面，雖然免費入場，但要提前預約，可上微信搜尋「華強北博物館預約」提前實名登記。另外，「華強北站」附近亦都有好多電子商城賣電腦產品、手機配件等，有興趣就可以順便去睇下啦！